Կյանքի ջահը

Մեծահասակներն ասում են.

-Կյանքի մայրամուտն իր հետ իր ջահն է բերում: Միայն թե ամեն մեկն իրենն ունի: Մեկինն անխղճորեն ճռճռում է, փայլատակում և շուրջը կեղտոտ ծուխ է լցնում:  Այդպիսի խրճիթները մարդիկ շրջանցում են: Մյուսի ջահը լուսավորում է հավասարաչափ տաք կրակով, այստեղ հավաքվում են երեխաները և խրճիթին տաքություն ու հարմարավետություն են ավելացնում:

-Ինչո՞ւ է այդպես անարդար,-դժգոհեց մարող ջահը:

-Ամեն ինչ կախված է նրանից, թե մարդ իր կյանքի երկար օրերի համար ինչպիսի յուղ և ինչպիսի պատրույգ է պատրաստել,-ժպտաց պայծառ ջահը:

Եվ միշտ պետք է հիշել, ո՞վ կպտտի քո պատրույգը և կավելացնի յուղ քո ջահին, երբ դու արդեն անօգնական կլինես: Ո՞վ ափով պատահական քամուց կպաշտպանի քեզ, որ ժամանակից շուտ չհանգի քո տաքուկ կրակը:
Ռուսերենից թարգմանությունը՝ Տիգրան Արզումանյանի